SUGARRA eta TXINGARRA
Hamen guztia su eta keagaz sukaldatzen dogu. Jatetxe txiki bat gara, besteekiko ezbardina, eta BILBOn gauz, zehazki URIBARRIko AUZOAN, Metroaren 3. lineako Uribarri geltoki ondoan (Eskolen plaza). Geure helburua txingarretan prestatutako kalitate goreneko produktua eskaintzea da eta horretarako KAMADOA erabiltzen dogu, zapore bizia eta ketua ematen dauen japoniar jatorriko keramikazko labea. Plater nagusia behi helduen txuletoia da, eta aurretik zenbait plater partekatzen direz.
Karta eta erreserba
Geure kontzeptua, aurretik erreserban bertan aukeratutako platerak mahaiaren erdian zerbitzatu eta partekatzea da. Horrela egiten dogu lan, jasangarri izan nahi dogulako eta geure helburua 0 stock-a dalako: elikagaien stock-a ahalik eta gehien murriztea bilatzen dogu, mahai-erreserba egiterakoan mahaikide bakoitzari zer eta zenbat jan erabakitzen utziz, era honetan hondakinak ahalik eta gehien murrizten direz eta merkatuko produkturik onena eskain daikegu. Gure platerak eta edariak KARTAn kontsultatu eta ERRESERBA egin daikezu.
Geure KAMADOA
Sugarran zapore onena ematen dauen txingarra bilatzen dogu. Horretarako, geure KAMADO japoniarrak txuletoia azkar erretzeko aukera ematen dosku eta, aldi berean, zurbeltz egurraren zapore berezi eta berezia emoteko. Sukaldatuko dan produktuaren arabera, intxaurrondo eta sagarrondo egurra ere erabiltzen dogu. Ez da existitzen hainbeste erabilera dekon eta hain tenperatura altuetara iritsi daitekeen parrillarik, kasu bakoitzean behar dan ke kantitatea sortzen dauen bitartean.
Txuletoia
Geure txuletoiak Europar arrazako eta Galiziar ilehori arrazako behi zaharren solomotik datoz (5 urtetik gorakoak), euren haragi kalitateagatik hautatuak. Zapore eta samurtasun gorena lortzeko, txuletoi-zinta 2 hilabetez ontzen dogu, puntu optimora iritsiz. Gero txuletoi bana 4 orduz gutxienez girotzen da kamadoan sartu aurretik eta horri esker barnean tenperatura egokian kozinatzen da. Gainera, zurbeltz ikatzagaz, ke zapore bizia maten dotsagu.
Erreserbak
1-2 aste lehenago erreserba egitea gomendatzen dogu, 4 mahai baino ez dekoguz eta ERRESERBAK ONLINE egiten direz, beraz, inprimaki bat betetzeko eskatuko deutsugu nor zaren eta zehazki zer jan nahi dozun jakiteko. Horrela zeure gustuetara ezin hobeto moldatuko gara eta esperientzia hobea izango dozu.
